منتدي اسرة ابونا بيشوي كامل للافتقاد والتلمذة
مرحبا بك في المنتدي ونتمني لك وقت ممتع مع مشاركتك الفعالة
المواضيع الأخيرة
بحـث
 
 

نتائج البحث
 


Rechercher بحث متقدم

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 26 بتاريخ الإثنين أبريل 13, 2015 6:17 am
تصويت

مقومات الأفتقاد الناجح :

استعرض الموضوع السابق استعرض الموضوع التالي اذهب الى الأسفل

مقومات الأفتقاد الناجح :

مُساهمة من طرف sameh ashek في الجمعة أكتوبر 01, 2010 7:42 am

مقومات الأفتقاد الناجح :
1-
أولويات...
يكون عندى اولويات فى الافتقاد.((لايحتاج الاصحاء إلى طبيب بل المرضى )).((لم آت لأدعو ابرار بل خطاة إلى التوبة )).مش معنى كده إن الصحيح أو البار مش هنزوره ‘ لأ طبعا لكن عندى فى افتقادى أولويات .
مثال:المريض أهتم بيه أكثر من السليم .البعيد عن الله والخاطىء اهتم به اكثر ‘والمستعد لاانفر منه .فلابد فى افتقادى أرتب أاولوياتى انا مسئول مش موظف انا سفير عن المسيح أجلس فى كل منزل الوقت المناسب على حسب الاحتياجات الروحية .فلابد ان لدى اولويات سليمة ؛؛.فأحيانا مشاكل خطيرة مستعجلة جدا اعطيها اهميه اسرع وهناك مشاكل عنصر الوقت فيها مهم جدا لو انا اتاخرت تحصل كارثة ..
(
فى مرة حكى شخص ما إنه جاء له شخص ما إنه جاء له تليفون ألحق فى وضع كذا مع شاب اوشابه اتأخر ساعتين كان هذا الشخص قد ضاع لو كان سبق ساعتين وجرى بسرعة كان ممكن ان ينقذ هذا الشاب نحن ليست موظفين نحن يقودنا روح الله فلافتقاد الناجح يحتاج إلى ترتيب أولويات ....
2-
الأفتقاد الناجح يحتاج لإستعدادلانه مهمة رسمية...
تخيلوا لو واحد؛؛ سفير مصر رايح يحضر جلسة فى الامم المتحدة هل ممكن يأخد الشنطة ويروح؟! لأيبقى مجهز نفسه إيه الموضوع ويدرسه ويدرس هو هيقول إيه وهيتكلم إذاى وهيحاور إذاى .الافتقاد يحتاج إلى أستعداد بالصلاة ‘أصلى قبل ما اروح أنا مش رايح أتونس مع الناس ‘أنا رايح فى مهمه روحية.يجوز رايح أرجع واحد للمسيح يجوز رايح الشيطان عامل فخ يجوز رايح هلاقى شيطان جوه البيت بيطلع لى آنيابه هيضيع لى الدنيا؛؛يجوز الاقى مشكلة هتنفجر جوه البيت فلازم استعد بالصلاه ..وده هنلاقيها واضحة جدا فى حياة أبونا ميخائيل إبراهيم قبل ما يتحرك كان لازم يصلى وبلجاجة وهو فى سلم العمارة يصلى‘ وهو إيده على الجرس يصلى‘ وهو بيدق على الباب يصلى ‘ويتكلم يصلى وخارج يصلى .عشان كده كان مجرد كلمتين كان يحل مشاكل كبيرة .واحد تانى كان ممكن يدخل بدماغه ويقعد يتناقش فى مشاكل ولا يجيب نتيجه خالص لانه غير مسنود على الصلاه .أستعد أول حاجه بالصلاه .
3-
أجهز الموضوع ...
يختلف من واحد لواحد الشخص اللى أنا رايح له أنا عارف ظروفه طب هتكلم فى إيه آجىء له منين ‘أحترس مقولش إيه ‘ممكن يتعب من إيه ‘أجهز نفسى واستعد واحسسه إنى حاى له مخصوص مش أقوله أصل أنا كنت فى لعماره اللىجنبك فقلت أعدى أسلم عليك .لما يحس إنى جاى اسلم عليه شيىء عادى غير لما يحس إنى حاى له مخصوص .أنا مستعد ومرتب نفسى عشان أزوره وممكن أستعد بهديه له .جايب له هديه جايب له مثلا كتاب يمس موضوعه أو مشكلته أوبنبذة صغيرة او رسالة او حتى هديه صغيرة .

4-
أختيار الوقت المناسب وطول المده المناسبة ....
وقت الزيارة لازم يكون مناسب للمخدومين هناك وقت يناسب ووقت لايناسب ‘هناك وقت بيكون فيه الناس مريحه أو وقت الناس خارجه فيه او وقت بتاع دروس مثلا معروف .
فقبل ما أروح لازم أختار الوقت المناسب عشان مروحش الاقى الناس مش موجوده أو المخدوم مش فاضى أومش جاهز لى لازم أختار .لازم أختار الوقت المناسب ....
وطول المدة المناسبة مطولش قوى فتتحول الزيارة إلى دردشة ولا اقصر المدة قوى واكلفت الموضوع ومنستفدش .فالزيارة القصيرة غير مفيدة .والزيارة الطويلة التى تتحول إلى دردشة غير مفيدة .اعطى للزيارة حقها خلصت تقول عن إذنكم وإنتقل إلى مكان آخر .
+
يبقى انا عملت زيارة مفيدة بجرعة مفيدة فى الوقت المناسب للناس اللىانا رايح افتقدهم واستغل الوقت احسن إستغلال بلاش اضيع وقت وبلاش نقعد نتكلم فى امور مش مهمه .فى فرق بين إنى رايح اتونس مع واحد وإنى رايح أفتقد يعنى درس النهاردة عن الافتقاد.
آه أنا ممكن أروح أزور واحد زيارة حبية لما اقول له أنا بكره هعدى عليك أقعد معاك شويه هذه الزياره free أما الافتقاد فهو عمل مقدس وعمل الكنيسة بتكلفنى بيه .وكلامنا النهارده عن الافتقاد وهو العمل الروحى اللى أنا بمثل فيه المسيح .لازم فى وقت أفتقادى أتعرف إلى الاسرة فى هذا الوقت الصغير يجوز انا رايح احل مشكلة طفل صغير مش بيجيىء الكنيسة وأتفاجىء فى البيت بكارسة اكبر مقولش أنا مليش دعوة انا بتاع الولد ده بس لأ...
استغل الوقت ده واحاول بسرعه أتعرف على البيت كطله .بيصلوا مبيصلوش ‘بيقرأوا فى الانجيل ‘بيعترفوا البنات مبيجوش الكنيسة ...وبسرعة أعمل إيه فرشه كده على الاسره .يجوز أكتشف حاجة هم مش دريانين بيها أصلا.أنتم عارفين فىالطب فى حاجه إسمها إيه كشف أولى يعنى انت لما تروح للدكتور ..مثلا انت بتشتكى من مغص يقولك حاضر تلاقيه بقيس لك الحراره ويقيس لك الضغط !! تقول ته لا يا دكتور انا معنديش مشكله أنا عندى مغص .يقول لك أستنى يل حبيبى أنا هكشف عليك من رأسك لحد رجلك ..ممكن تيجىءإلى بمغص أكتشف مثلا إن عندك صمام فى القلب تالف.. طب إيه أهم عندى ؟.فالطب بيعمل كده يجوز حاجه أنت مش بتشتكى منها بس هى خطيرة فلازم يعمل كشف عام فى الأول بعد كده يحس مكان على المرض .فأنت تعمل برده كشف عام على الاسره يجوز أنت رايح لولد مبيجيش أوضايع .يجوز تكتشف إن أخته منحرفه خالص .او إن أبوه ضايع بقى له عشرين سنه مدخلش الكنيسة!!!
هتقول انا متخصص بس فى هذا الولد مليش دعوه... لأ..
فوأنت تفتقد أستغل الوقت بتاع إفتقادك إستغلال كويس .وأختار الوقت المناسب ومدة الفتقاد المناسبة وأستغلها أحسن إستغلال بأكبر فايدة إنك تطلع بأكبر صورة عن أفراد الاسره كلها.
عشان كده تحت وقت الزياره ياريت منضيعهوش فى كلام مش مهم ...أنا مش بقول نبقى رسميين بس خلينا فى ربنا انا قصدى إن ممكن واحد يضيع الزيارة كلها فى أى كلام هم يجرجرونى فى كلامهم .فى الكوره ‘ فى السياسه ‘فى المدرسة .وابص ألاقى عدة نصف ساعه وأحنا متكلمناش فى حاجة مفيدة واخرج من البيت من غير فايدة ذى ما دخات ذى ما خرجت .
5-
احترام خصوصيات الاسره....
احنا فى الزيارات بتاعتنا ياريت نحترم برده خصوصيات الاسره .اللىبندخل عندهم فى مرات ناس بيبقوا فقراء جدا بلاش نحرجهم بلاش نفحص امور البيت يعنى بتقابلنا مثل هذه الاشياء فى القرى أسرة فقيرة لو قعدونى على حصيرة فى الارض أقعدبلاش ابص حواليا وبلاش احرجهم .وأحسسهم إن ياااه انا مكنتش فاكر إنكم أنتم غلابة كده ومعندكوش ده وعندكم ده .ييعنى أنا مرات كتيرة ادخل بيوت ناس غلابه جدا فى القرى أبقى مكسوف حتى اتحرك .أبقى مكسوف حتى أطلب كوباية مايه .أصل انا مش عارف ظروفهم .أسكت خالص عشان محرجش حد .يكون حاجه معدومه عندهم ..عندهم مثلا حمام مش نظيف أوغيره أحترم خصوصياتهم ولا أدخل حجرات ولاأتحرك من مكانى أحترم خصوصيات الناس فى الزيارة لان هناك بعض الناس بيبقوا مش عايزين حد يبص عليهم مش متوقعين الخادم أوالخادمة جايين يفحصوا بيوتهم ...أنا رايح بهدف معين أعمله وامشى فى إطار محترم جدا وأشعرهم إنى بحترمكم جدا وكأنكم أنتم ناس مبسوطين وكأنى قاعد على حاجه غاليه جدا.
+
نكسب وقت الزيارة بسرعة فى صلاة قصيرة .نقرأجزء من إنجيل نأكد على الحاجات الروحية الاساسية الاعتراف والتناول نعمل كده ذى ماقلت كشف عام على أفراد الاسره كلها بعد كده نركز لوفى مشكلة معينة فى خطية معينة فى حد بيشتكى من حاجة نركز فيها بسرعة .
+
فى الافتقاد ندخل معانا المسيح فى البيت ونسيبه لهم فى البيت مش أدخل انا واطلع لأادخل أنا مع المسيح بأسم المسيح لازم أسيب لهم مبدأ. أسيب لهم إتفاق. أسيب لهم وعد بأنى هشوفهم فى الكنيسة –اربطهم بحاجه يرتبطوا بيها أربطهم بالمسيح ..
6-
فن الإنصات..
برده مهم فى الافتقاد الناجح فن الانصات .
اسمع لمشاكلهم مرات كتيرة .يكون المخدوم عايز بس يحكى حتى لو مشكلة حلها معروف أوملهاش حل يجوز هو مريض وراح للدكتور وخد العلاج وبياخده بس هو عايز يقولك ويحكى سيبه يحكى خلى عندك إنصات أنت رايح تسمع أنت رايح سفير رايح يوصل المسيح فخليك أسمع أكتر ما تتكلم .إستوعب الموضوع .مرات كتيرة ناس تبدأ إنها تحكى فى مشكلة واحنا هم لسة بيحكوا فى المقدمة نعطى أحنا الحلول .وندخل فى الموضوع وندى الحلول.أصل آه صدقونى لو عملتم كده هيحصل كده .الناس يقولوا ياعم طب سبنا نحكى شوية أنت أصلا مفهمتش القصة ماشية إذاى .ففى الافتقاد أجعلوا لديكم فن الاتصات.أسمع جيدا ولو هيخرجوا من الموضوع بحكمة نرجعهم للموضوع .لكن لو بيحكوا فى المشكلة الروحية واحد بيشتكى ظروفه أب بيشتكى من ابنه بنت بتشتكى من أمها .نعطيهم فرصة إنهم يتكلموا عشان نفهم تخيل أنت دخلت لدكتور ولسه هتشكى يقولك بس أنا عارف كل حاجه انا فاهم كل حاجه أنت محتاج حقنة تعالى خد الروشتة أطلع ...عايز تحكى حتى لو عارف ...
حتى لو انت عارف التشخيص وأنت رايح وقايلين لك خلى بالك البنت ده أوالولد ده عنده المشكلة الفولانية .انت فاهم بس سيب النلس تحكى مادمنا بنحكى فى الموضوع الروحى الى أحنا رايحين عشانه لكن نحكى فى التليفزيون والجرائد أنت بحكمة حول الكلام لكن خلى عندك فن الانصات ونسمع أكتر ما نتكلم نسمع للجميع بدون تحيز لأحد إطلاقا وبروح المحبة منقاطعش حد ومنحرجش حد منستخفش بحد .ممكن يكون طفل صغير وعنده موضوع مهم عايز يحكى فيه أنا فى نظرى الموضوع ده ملهوش أى أهمية ده فى نظرى أنا لكن فى نظره هو الموضوع دهمهم جدا جدا سيبوا يحكى وأحترمه وكبر بيهوشاركه وأسأله هه وبعدين حصل إيه لأ أنت شاطر .يعنى أنزل لمستواه منستخفش بحد ولا نحرج حد إطلاقا .الإنصات الجيد معناه إنى أتا بحترم اللى قدامى .لو انا مش عايز أسمع له أومش بسمع له أوأنا سرحان أوانابقى فى الزيارة مشغول بحاجات تانيه وحسسته إن أنا مش معاه ده طبعا شيىء مهين ...
6-
الأفتقاد محتاج إلى تنظيم ....
أعمل جدول للزيارات وأعمل جدول للأفتقاد عشان مش بيت أزوره مرتين ثلاثه وبيت ميتزارش خالص او بيت يزوره خادم وإثنين وثلاثه وبيت ميتزارش خالص لازم حتة التنظيم فى الافتقاد الناجح عندى خريطة بالذات الناس اللى على أطراف المنطقة اللى أنا بخدمهم غالبا دول بيبقوا مظلومين أواللى بيوتهم بتقع بين كنيستين ممكن دول لايفتقدهم لاحد من هنا ولا حد من هنا فلازم انا أفتقادى يحتاج إلى جزئية التنظيم متنساش حد أبدا بلاذات النلس اللى هم فى مناطق بعيدة ..معانا ممكن يكون خرائط للشوارع نبقى عارفين حتة التنظيم أنا أنظم مع الكنيسة ومع الخدام نبقى عارفين مين هيروح هنا ومين هيروح هنا.عشان يبقى الافتقاد بيشمل المنطقه كلها....ممكن واحد يعمل أجندة يسجل فيها هو النهارده راح لمين والمشكلة إيه معتمدش على الذاكرة أكتب ملحوظات أكتب حاجات .ممكن ناس بينزلوا الافتقاد على الكمبيوتر هو زار مين ومزارش مين والعناوين إيه والتليفون إيه والبيت ده فيه مشكلة إيه ونوصل لأبونا .يعنى الأفتقاد عايز حتة تنظيم....
*
نوعيات الأفتقاد*
+
أفتقاد دورى (دورة كل مانخلصها نرجع نبدأها تانى )
+
أفتقاد فى المناسبات(أعياد ميلاد واحد ناجح واحدج مريض ده مناسبة مقولش بقى ده مش دوره فىالافتقاد .يعنى مثلاالناجح أسيبه ناجح وأروح أدى لةالهديةبعد شهر لأ طبعا )
+
الأفتقادالفردى(لماألاقى واحد محتاج حاجه ذى الاسعاف كده أروح له بسرعه )
لكن فى برده لازم أفتقاد دورى جنب الافتقاد السريع وأفتقاد المناسبات ..لازم يكون عندى جدول فى ظرف السنه انا هلف على هذه البيوت مرة أو إثنين فى السنة .عندى جدول ماشى عليه رحت فين وعملت إيه .يبقى العمليه منظمة عشان محدش يقع منى...
7-
المتابعة...
مهم جدا فى الافتقاد جزئية المتابعة يعنى أحنا فىالافتقاد بنتحسس المشاكل ونشوف النواقص ونشوف إيه هى المشكلة بنشوف مين اللى عنده حاجه مين المريض قلنا كلمتين حلوين وصلنا ربنا سبنا رجاه طلعنا بالمشكلة فى دماغنا بعد كده هعمل إيه دورنا منتهاش !دورى إنى أتابع المشكاه الولد اللى زرته لقيته مريض اسأل عليه تانى ممكن المتابعة بالتليفون أوبزيارة أبعت خادم .بس مهم جدا الأفتقاد يبقى له متابعة بعد كده لحد ما أطمئن على المشكلة ده ..
مثال:طفل رحت له قالوا لى ده راح للدكتور .أو راح المستشفى لازم أسأل عملت إيه وأخدت إيه وأزوره تانى أتابع ...& لو واحد عنده مشكلة وأتفقنا على حاجه ..لأمن بكره مش هتعمل كده وهتيجىء الكنيسة أتابع فمهم جدا إن الأفتقاد الناجح يكون فيه متابعة بالذات الحالات اللى فيها مشاكل مادية واحد عنده أزمة ماديه واحد فى مشكلة هنصلى لك وهنبارك لك بس أناأتابع عملت إيه يا حبيبى وخلصت المشكله ولا لأ؟؟...احسسهإنى بحبه وبتابعه ..أقول ده لو كان أخويا وربنا سمح له بالتجربة ده أوالضيقة ده كنت مجرد كده هقوله ربنا معاك وأسيبه وأمشى خلاص كده أديت مهمتى ولاأتابع وأسأل بقلب كده بيحب فعلا مهم جدا إن هناك حالات بعد الافتقاد محتاجة متابعة ذى ما قرأنا أحنا كده فى سفر الأعمال 15.(نرجع ونفتقدإخواتنا فى كل مدينة نادينا فيها بكلمة الله كيف هم .خفوا .المشكلة إنتهت .الولد بقى يجىء الكنيسة .الولد أنتظم خد الدرس بتاعه البنت بقت بتذاكر الأب هدى بطل الحاجات الوحشة .
لازمنتابع أكتر من مرة ومنزهقش ومنملش أحنا بنعمل عمل المسيح والمسيح فوق الوقت معندوش وقت ياما فى مشاكل ممكن تنحل بعد عشرة سنين اوخمس سنين أو شهرين وثلاثة مفيش مشاكـل وانااعرف واحد هى فى الحقيقة واحدة شتت شوية بعدت عن ربنا رجعت للمسيح بعد 16سنة. رجعت ذى الفل النهاردة وممتازة جدا النهارده .وهى ده فايدة المتابعة والافتقاد والصلاة .تابع بالتليفون بالزيارات أبعت رسيل أبعت خادم زميلك المهم إن المخدوم يحس إن الخادم بتاعه مهتم بيه وبيحبه عشان كده بيسأل عليه.
+
مهم المتابعة والزيارات والافتقاد أن لا نفشى أسرار أحد هناك فرق بين إنى أوصل لأبونا فى واحد مريض ألحق يا أبونا زوره .البيت ده انا حسيت إن فى مشكلة بين الرجل وزوجته .هناك أشياء تندرج تحت بند الاعتراف هذه الاشياء أنا مليش دعوة بيها .وهناك مشاكل لابد من تدخل العمل الكهنوتى فيها أعطيها لأبونا أولحد أكبر منى لكن أنا بقول أنا أكتشف سر معين أوالناس أستأمنونى على سر معين لازم أنا أكون عند إحترامهم وعند تقوقيرهم وأحتفظ بهذه المعلومة واحاول أعالج بصورة سرية عشان الناس ميقولوش أحنا قلنا السر ده للخادم الفولانى راح نشرها وراح قالها .وهو ده فهم الناس ...
8-
أيضا الأفتقاد الناجح عايز الجدية والإلتزام...
نأخد الموضوع بجد ونلتزم اعطينا ميعاد لواحد لازم نلتزم نحسس المخدومين إن الموضوع جد ومهم وأنا ملتزم بيه ذى مايكون محاضرة ذى ما يكون ميعاد شغل .ميعاد مقابلة مع شخصية مهمة لازم يكون فى عنصر جدية وإلتزام بالمواعيد وإلتزام بالوعود .حتى لو أعطينا وعد لطفل صغير إنى هجيب له صورة المرة الجاية الطفل فاكرها ولازم ألتزم وأجيب لة دى ما قلت له .خليك ملتزم وخليك جاد اللى تقول عليه لازم تعمله .ألتزم لأن الأفتقاد عمل مهم وأنت بتتعامل مع ربنا والناس اللى أنت بتفتقدهم أرواح غاليه عند المسيح .ونحن عندما نكون جاديين نعلم المخدوم الجدية ..عندما يلاحظ المخدوم إن خادمه يهمل الأفتقاد ولا يلتزم بكلامه.. هو نفسه هيهمل كلام الخادم بتاعه وياخده بأستخفاف &وعندما أكون ملتزم أعلم إبنى المخدوم الإلتزام .
9-
مهم جدا فى الأفتقاد الحالة النفسية للخادم ..
مروحش أفتقد الأولاد وانا متضايق أو متوتر جدا .أو دماغى مشغولة ومش قادر أسمع حد .ومستعجل جدا ومعنديش وقت أسمع حاجة وأقول للمخدوم ياأبنى خلص أنا عندى خمس دقايق .....لأ..هذا ليست أفتقاد ناجح ***
محدش ضربك على إيدك متروحش أحسن روح فى الميعاد المناسب اللى أنت مرتاح فيه ومبسوط فيه وتكون هادى لأنك أنت رايح توصل صورة المسيح اللى مليان فرح مليان رجاء مليان بشاشة أدخل وأنت مبتسم حتى لو داخل على كارثه .أو حتى على مريض أنت عارف إن حالته ميئوس منها ..أدخل احمل الرجاء معاك أحمل المسيح بفرحه .وصل المسيح الحلو وصل المسيح المريح المحب للناس بتعابيرك بملامحك بألفاظك .أنت رسول عن المسيح وسفير لازم توصل لهم المسيح الفرحان بيهم .حتى لو واحد خاطىء جدا ومتعب جدا وصلت له إن المسيح مش بيحبك إنت وصلت رسالة غلط خالص وصل له إن المسيح بيحبك بإبتسامة وطول آناة وصداقة حقيقية لأن ده فعلآ هى مشاعر المسيح تجاه كل الناس ....
*
ربنا يعطينا خدمة ناجحة وأفتقاد ناجح منظم *
*
وانا بنصحكم ترجعوا لكتاب الافتقاد لأبونا أشعياء ميخائيل وكتاب آخر إسمه تقريبا الافتقاد أو خدمة الافتقاد وهو كان محاضرات اتعملت فى مؤتمر فيها حوالى خمس ست محاضرات مختلفة كلها عن الفتقادوإدرسوها كلها مع بعض وخلوها منهج إن أحنا نقتدى به
avatar
sameh ashek
المدير العام

ذكر الجدي القرد
عدد المساهمات : 15
تاريخ الميلاد : 08/01/1981
تاريخ التسجيل : 21/09/2010
العمر : 36

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى